Ieithoedd Rhyngwladol – Sector Cynradd

Cyfle i ddysgu iaith ryngwladol, a chael hyfforddiant i gyflwyno ieithoedd mewn ysgolion cynradd drwy’r Brifysgol Agored. Yma, ceir yr holl wybodaeth am y cwrs. Am fwy o wybodaeth a dogfennau cofrestru cysylltwch â stephanieelliswilliams@gwegogledd.cymru erbyn mis Medi.

LXT191 Learning to teach languages in primary schools – Welsh 21J

LXT192 Learning to teach French in Primary Schools Wales 21J WELSH

LXT193 Learning to teach German in Primary Schools Wales 21J WELSH

LXT194 Learning to teach Spanish in Primary Schools Wales 21J WELSH

LXT197 Learning to teach Mandarin in Primary Schools Wales 21J WELSH

Webinar- integrating IL in primary structure v2

Amrywiaeth o fideos byr a grëwyd gan ein hysgolion Arweiniol ar ystod o gwestiynau am ddysgu Ieithoedd Rhyngwladol mewn ysgolion cynradd a sut y dechreuon nhw eu taith i wireddu’r CiG.

Fideo 1

Map Ffordd Clir a Chryno i Gorffori Ieithoedd Rhyngwladol – Lisa Eardley- Ysgol Deganwy, Danae Graham- Ysgol Bryn Deva

Dyma ganllaw cam wrth gam i unrhyw ysgol neu ymarferydd gychwyn ar y daith at gorffori iaith ryngwladol yn y dosbarth. Mae amrywiaeth o enghreifftiau, dulliau dibynadwy ac amrywiaeth o syniadau syml i chi eu dilyn i gychwyn arni ac ennyn diddordeb eich disgyblion a’u cael nhw i ddysgu heb iddynt sylweddoli hynny!

i- Map Ffordd Clir a Chryno i Gorffori Ieithoedd Rhyngwladol

Fideo 2

Ffrangeg ar draws y cwricwlwm – Claire Thompson- Ysgol Golftyn CP School

Mae’r cyflwyniad hwn yn disgrifio fy nhaith i, gyda fy nosbarth Blwyddyn 2, at blethu Ffrangeg drwy’r cwricwlwm. Rwyf wedi amlinellu’r pedwar cam a ddilynais i gyflawni hyn. Rydw i hefyd wedi cysylltu’r pedwar cam â’r testun ‘Out of this World’, gan ‘mod i eisiau rhannu rhai enghreifftiau penodol o weithgareddau. Yn fwy na hynny, rydw i wedi pwysleisio’r ffaith mai dechrau siarad Ffrangeg ydw i, felly os alla’ i wneud, gallwch chithau hefyd!

ii- Ffrangeg ar draws y cwricwlwm Integrating_French_into_different_areas_of_learning[Cymraeg]

Fideo 3

Gwreiddio ieithoedd yn y cwricwlwm – Georgina Newnham – St Brigid’s School

Mae’r cyflwyniad hwn yn canolbwyntio ar egwyddorion ac arferion yr addysgeg bresennol y gellir ei defnyddio i addysgu ieithoedd. Mae’n edrych hefyd ar fethodolegau, llafaredd a defnyddio adnoddau gwreiddiol.

iii-Gwreiddio ieithoedd yn y cwricwlwm Embedding_languages_in_the_curriculum[Cymraeg]

Fideo 4

Datblygu hyder mewn addysgu iaith ryngwladol yn yr ysgol gynradd – Carole Seaton – Victoria CP School

Dyma rai dulliau yr ydw i wedi’u defnyddio i ddechrau dysgu iaith ryngwladol yn fy ysgol i. Rydw i wedi disgrifio rhai o’r ffyrdd y gallwch chi gymell staff a phlant i gofleidio diwylliant newydd a’i iaith. Rydw i wedi cyflwyno rhywfaint o waith cynllunio a syniadau i chi gael cychwyn arni a gwneud bywyd mor hawdd â phosibl i chi a’ch cydweithwyr gael dechrau ar eich taith iaith.

iv- Datblygu hyder mewn addysgu iaith ryngwladol yn yr ysgol gynradd Cymraeg

Fideo 5

Ymgorffori Llafaredd ag Ieithoedd Ychwnaegol mewn Dosbarth Cynradd – Angharad Lloyd – Ysgol Clawdd Offa

Cyflwyniad am gorffori llafaredd gydag iaith ychwanegol yn y dosbarth. Ceir enghreifftiau o sut yr addysgir llafaredd yn Ysgol Clawdd Offa, Prestatyn, p’un ai yw llafaredd yn ffocws y wers ai peidio, ac awgrymiadau am sut i gynnwys llafaredd mewn gwersi.

v- Ymgorffori Llafaredd ag Ieithoedd Ychwnaegol mewn Dosbarth Cynradd – Cymraeg

Fideo 6

Datblygu amlieithrwydd mewn ysgolion cynradd yng Nghymru – Esyllt Williams Ysgol Beddgelert, Julie Williams Ysgol Tudweiliog

Cyflwyniad ar sut i ddatblygu iaith dramor o fewn y dosbarth.Esiamplau o awaliau arddangos, gemau , gweithgareddau, ymweliadau a thasgau posib wrth ddefnyddio aml iaith.

vi- Datblygu Amlieithrwydd Embedding Multilingualism (2) Cymraeg

Fideo 7

Mae’r cyflwyniad yn cynnwys y math o bethau y gellir eu gwneud wrth gyflwyno a datblygu iethoedd rhyngwladol trwy feysydd eraill. Mae llyfr allan o’r pecyn iechyd a lles, ‘Sut ydw i’n teimlo’ wedi cael ei ddefnyddio fel sail i waith posibl.

vii- Sut Ti’n teimlo – LLYFRYN IECHYD A LLES SUT DWI_N TEIMLO (2)

Cliciwch yma i ymuno â’r rhwydwaith. Bydd rhaid i chi fewngofnodi i Hwb ac ymuno gyad’r rhwydwaith er mwyn gweld yr adnoddau.

DYFODOL BYD-EANG GwE IEITHOEDD RHYNGWLADOL

Rhaglen gan Lywodraeth Cymru yw Dyfodol Byd-eang ac ymrwymiad i ehangu addysgu Ieithoedd Rhyngwladol mewn ysgolion yng Nghymru. Y weledigaeth yw i Gymru ddod yn genedl gwirioneddol amlieithog.  Bydd y  Cwricwlwm i Gymru yn gweddnewid ein cyfundrefn addysg ac yn cynnig cyfleoedd cyffrous i ddysgu iaith ar draws ein holl ysgolion a’n lleoliadau.

Nod y rhaglen yw sicrhau bod pob dysgwr yn cael profiad o’r amryw o fanteision a ddaw wrth ddysgu Ieithoedd Rhyngwladol, gan gynnwys ehangu eu gorwelion trwy ddysgu am bobl a diwylliannau eraill a rhoi iddynt y sgiliau iaith i gystadlu yn yr economi fyd-eang.  Wrth wneud hyn, gallwn eu cefnogi wrth iddynt ddatblygu yn ddysgwyr uchelgeisiol a galluog sy’n barod i fod yn ddinasyddion i Gymru a’r byd. 

Y prif strategaeth yw  rhoi ein hamser, ein gwybodaeth a’n harbenigedd i’n hysgolion a’n hathrawon er mwyn cefnogi pob dysgwr i wneud cynnydd wrth ddysgu iaith, yn ogystal â  chyflawni pedwar diben y Cwricwlwm i Gymru. 

Mae’r cynllun tair blynedd newydd ar gyfer 2022-2025 yn gosod allan dri nod strategol: 

• cefnogi’r gwaith o ddatblygu a chyflwyno darpariaeth ieithoedd rhyngwladol ystyrlon yng Nghymru

• rhoi’r sgiliau, yr wybodaeth a’r profiadau i’n hymarferwyr i gynllunio a chyflwyno darpariaeth ieithoedd rhyngwladol
• herio’r camdybiaethau o ran dysgu ieithoedd

Braint yw parhau yn fy rôl fel Arweinydd Dyfodol Byd-eang a Ieithoedd Rhyngwladol Consortiwm GwE yn y cyfnod newydd a chyffrous hwn.

Yma yng ngogledd Cymru, mae ein hathrawon ITM a’n cyd-weithwyr cynradd yn ymroddgar ac yn hynod dalentog, wastad yn gwneud eu gorau glas i roi’r profiadau dysgu gorau i’w myfyrwyr.

Dyna pam yr wyf i’n ffyddiog y gallwn ni, ac y byddwn ni, gyda’n gilydd, yn parhau i ddatblygu ein gwaith er mwyn hyrwyddo a darparu’r profiadau dysgu iaith gorau un i ddysgwyr.

Rwy’n ffodus iawn o gael tîm anhygoel o fy nghwmpas yn y sector cynradd a’r uwchradd. Gyda’n partneriaid Dyfodol Byd-eang gallwn ddarparu ystod eang a rhaglen gyfoethog o gefnogaeth a chyfleoedd i ddysgwyr, ymarferwyr a lleoliadau ysgol. 

O ddysgu proffesiynol i gymorth ysgol i ysgol pwrpasol, mae ein gwaith yn cyfrannu at ddatblygiadau Cwricwlwm i Gymru.

Dylai Canolfan Cefnogaeth GwE, y newyddlenni bob hanner tymor, y negeseuon e-bost, Bwletin GwE a Twitter roi’r rhan fwyaf o wybodaeth sydd ei hangen arnoch am y datblygiadau newydd mewn Ieithoedd Rhyngwladol yn GwE.

Ond cofiwch, mae croeso i chi gysylltu â mi a Thîm Dyfodol Byd-eang cynradd neu uwchradd GwE unrhyw bryd am fwy o fanylion neu i ofyn cwestiwn. Byddwn bob amser yn barod i helpu. 

Dymuniadau gorau, 

Stephanie Ellis-Williams: Arweinydd ITM Dyfodol Byd-eang/Ieithoedd Rhyngwladol GwE

stephanieelliswilliams@gwegogledd.cymru